الرئيسية
كلمتها
...
وياريتني ما كلمتها
سمعت صوت كان هيخليني افطر علي روحي من جماله
كان فاضل علي المغرب سااعتين و شويه ....
كلمتها ... و قالتلي : انت لسه صاحي؟؟
قلتلها : اه , الجو حر و صيام و فضلت نايم
ردت عليا و حاس بصوتها وهو زعلان :: وهو انت صايم علشان تنام ؟؟ خلاص قضي باقي رمضان كده ... اومال فايده الصيام ايه بأه؟؟
ارتبكت جدا .. وماكنتش عاوزها تزعل مني ....
حاولت اهزر معاها .. مفيشفايده .. اقوله ياعم , مايردش ... أقوله يا سيدي .. ما يردش ... اقوله ياريس ... ما يردش ...
يمين شمال ... زعلانه - بصراحه فقدت الامل , وقلت ان دي نهايتنا
حاولت انهي كلامي علشان ما أحرجش نفسي أكتر " أصون كرامتي "
لاقيتها بتقولي .. هتفطر فين النهارده؟
سمعت الكلمه دي , و حسيت ان حواجبي هتقع من الفرحه .. قلت ياض يا زغطه ... إتقل و اثبت ,
لقتني باتدلق و بقول : غالبا هنزل الحسين ... او هشتري أكل و افطر علي الكورنيش
كحه :: ايه؟؟؟ علي الكورنيش؟؟؟ في حد بيفطر علي الكورنيش !!
انا :: موش أول مره ... بحب افطر في الاماكتا لغريبه ... انا مره فطرت في جنينه الحيوانات .. ومره فطرت في المترو ... تحديدا محطه الاوبرا "
كان لسه المترو بيتحفر ".. وطلعت منها علي وسط البلد .. و قضيت اليوم اتسحرت و رجعت
اتفقنا نفطر في جنينه الفسطاط ... ونطلع منها علي الحسين ... و نصلي التراويح فيه و نتسحر باه في اي مكان
قابلتها في موقف الاتوبيس ... كانت قالتلي انها هي هتجيب الاكل وهي جايه ... اما نشوف طبيخك يا كحتي
كانت لابسه عبايه سوده , منقوشه من فوق بمنحني للجنب ... ومغطيه شعرها بإيشارب خفيف , وموش رابطاه ولا زنقاه زي بنات اليومين دول .. اللي بيجنزروا الطرحه بأربعين دبوس و انت طالع
اول ما شوفتها جايه , لاقيتها ادامي
حسيت اني نسيت شكلها... ماكنتش بالجمال ده أخر مره شوفتها ... المرادي اجمل ... هي من النوع اللي بيحلو مره بعد مره وللا ايه؟؟
تنحت .. والمرادي التتنيحه نستني أرد علي سلامها .... فضلت متنح .. متنح . متنح ... لحد ملكزتني في كتفي و هي بتقول :::
ايه ... الصيام عامل عمايله وللا ايه .... فوووووق .. صحي ... سوهاج المحطه الجايه
ضحكت كما لم اضحك من قبل .. وزادت فرحتي أكتر لما عرفت انها طابخه أكلتي المفضله
مكرونه بشاميل .. ومحشي ..... وكمان قمر الدين و بلح الشام ؟؟؟ ... ياحالولي يا حالولي ... اهو كده رمضان جانا ... و ثبتت الرؤيه .. وظهر الهلال .. وظهرت زغطه
في عز سرحاني و التتنيح اللي انا كنت فيه ... وصلنا الفسطاط .... و كانت كحه عامله حسابها في راديو علشان نسمع المدع ... مع ان المدفع في القلعه قريب مننا
فرشت الفرشه بتاعتنا ... و كوبايات قمر الدين ... و اطباق بلح الشام ع المفرش .... و استنينا المدفع يضرب
دعينا كلنا علي الفطار
" اللهم اني صمت ... وعلي رزقك أفطرت ... ذهب الظمأ و ابتلت العروق ... و ثبت الاجر ان شاء الله "
شربنا العصير ... و أكلت بنهم صوابع بلح الشام الفظيه
اكتشفت ان حوالينا بردو ناس كبار في السن ... يمكن اكبر مني بكتير ... كلهم بيصوموا و بيفطروا لوحدهم ... في النسيان
عمري و انا صغير ما فكرت في الناس الكيره ... بيفطروا فين؟؟
في دور المسنين .... يالطيف ... ده سجن
اومال العواجيز اللي زينا بيفططروا فين ؟؟
عرفت بيفطروا فين .. قلبي وجعني اوي ... انا لوحدي .. الوحده صعبه اوي
كحه أخدت بالها اني سرحان وموش باكل ... قالتلي ::
- مالك .. ما بتاكلش ليه؟؟ .. موش كنت هتموت و تاكل و بتقول ان الصيام مبهدلك ..؟؟
قلت و انا هعيط من الحسره :: عارفه ليه انا و انتي قاعدين مع بعض حالا ؟ ... لان كل واحد فينا لوحده ...
لو كل واحد منا كان مع أهله مكناش بصينا لبعض ؟؟
ايه .؟؟ انا بلبخ ... اقصد يعني ... ان الوحيدين اللي زينا .. بينجذبوا لبعض ....
كحه :: شكلك هتخرف ... كل يا زغطه قبل ما تخاريف الصيام تزيد عليك
ضحكنا
صليت بيها المغرب جماعه .... و قرينا قرآن انا وهيا سوا ...
لاقينا اذا العشا هيقرب ... طلعنا جري علي الحسين .... نصلي العشا و الترلويح
خلصنا و اتقابلنا علي قهوه .. زي ما اتفقنا .. شربنا الشاي ... و انا ضربت الشيشه بتاعتي
قالتلي وهي بتبصلي ::: شيشه !!!
قلتلها :: لا لا ... دي موش شيشه .... دي مصاصه ... بس للكبار فقط
ضحكت ... ده طبعا قبل ما ادتني محاضره عن اضرار الشيشه و مخاطر التدخين و الكلام ده
رديت :: انا بقالي حاجه و تمانين سنه بدخن ... انا بدخن من و انا عندي 11 سنه ... بعمل كل اللي علي مزاجي .. بفرحو بضحك .. بحب الناس و بروحلهم في اماكنهم ... ... اللي بيجي في بالي اعمله بعمله .. وده اللي مطول عمري .. ربنا يديني الصحه
كحه :: وا نا بردو بفرح ... بس لوحدي .. صعب عليا اني اخرج او اروح في حته ...
انا :: مفيش جيران ؟
كحه :: ماتوا
انا :: ولا اصحاب ؟؟
كحه :: ماتوا
انا ::.. ياساتر ... ولا قرايب
كحه :: ماتوا
انا ::: يا ساتر :::
يلا بينا نتسحر ... هنتسحر فين ؟؟
هي ::: لا انا لازم اروح لعم زحلف
انا :: يلا بينا
روحنا لعم زحلف .. و اتمشينا ... وروحت و انا طاير
لو كنت اعرف ان بكره هيبقي في ..........
ـــــــــــــــــــــــــــــــــــــــــــ
نكمل الاسبوع الجاي ....
...
وياريتني ما كلمتها
سمعت صوت كان هيخليني افطر علي روحي من جماله
كان فاضل علي المغرب سااعتين و شويه ....
كلمتها ... و قالتلي : انت لسه صاحي؟؟
قلتلها : اه , الجو حر و صيام و فضلت نايم
ردت عليا و حاس بصوتها وهو زعلان :: وهو انت صايم علشان تنام ؟؟ خلاص قضي باقي رمضان كده ... اومال فايده الصيام ايه بأه؟؟
ارتبكت جدا .. وماكنتش عاوزها تزعل مني ....
حاولت اهزر معاها .. مفيشفايده .. اقوله ياعم , مايردش ... أقوله يا سيدي .. ما يردش ... اقوله ياريس ... ما يردش ...
يمين شمال ... زعلانه - بصراحه فقدت الامل , وقلت ان دي نهايتنا
حاولت انهي كلامي علشان ما أحرجش نفسي أكتر " أصون كرامتي "
لاقيتها بتقولي .. هتفطر فين النهارده؟
سمعت الكلمه دي , و حسيت ان حواجبي هتقع من الفرحه .. قلت ياض يا زغطه ... إتقل و اثبت ,
لقتني باتدلق و بقول : غالبا هنزل الحسين ... او هشتري أكل و افطر علي الكورنيش
كحه :: ايه؟؟؟ علي الكورنيش؟؟؟ في حد بيفطر علي الكورنيش !!
انا :: موش أول مره ... بحب افطر في الاماكتا لغريبه ... انا مره فطرت في جنينه الحيوانات .. ومره فطرت في المترو ... تحديدا محطه الاوبرا "
كان لسه المترو بيتحفر ".. وطلعت منها علي وسط البلد .. و قضيت اليوم اتسحرت و رجعت
اتفقنا نفطر في جنينه الفسطاط ... ونطلع منها علي الحسين ... و نصلي التراويح فيه و نتسحر باه في اي مكان
قابلتها في موقف الاتوبيس ... كانت قالتلي انها هي هتجيب الاكل وهي جايه ... اما نشوف طبيخك يا كحتي
كانت لابسه عبايه سوده , منقوشه من فوق بمنحني للجنب ... ومغطيه شعرها بإيشارب خفيف , وموش رابطاه ولا زنقاه زي بنات اليومين دول .. اللي بيجنزروا الطرحه بأربعين دبوس و انت طالع
اول ما شوفتها جايه , لاقيتها ادامي
حسيت اني نسيت شكلها... ماكنتش بالجمال ده أخر مره شوفتها ... المرادي اجمل ... هي من النوع اللي بيحلو مره بعد مره وللا ايه؟؟
تنحت .. والمرادي التتنيحه نستني أرد علي سلامها .... فضلت متنح .. متنح . متنح ... لحد ملكزتني في كتفي و هي بتقول :::
ايه ... الصيام عامل عمايله وللا ايه .... فوووووق .. صحي ... سوهاج المحطه الجايه
ضحكت كما لم اضحك من قبل .. وزادت فرحتي أكتر لما عرفت انها طابخه أكلتي المفضله
مكرونه بشاميل .. ومحشي ..... وكمان قمر الدين و بلح الشام ؟؟؟ ... ياحالولي يا حالولي ... اهو كده رمضان جانا ... و ثبتت الرؤيه .. وظهر الهلال .. وظهرت زغطه
في عز سرحاني و التتنيح اللي انا كنت فيه ... وصلنا الفسطاط .... و كانت كحه عامله حسابها في راديو علشان نسمع المدع ... مع ان المدفع في القلعه قريب مننا
فرشت الفرشه بتاعتنا ... و كوبايات قمر الدين ... و اطباق بلح الشام ع المفرش .... و استنينا المدفع يضرب
دعينا كلنا علي الفطار
" اللهم اني صمت ... وعلي رزقك أفطرت ... ذهب الظمأ و ابتلت العروق ... و ثبت الاجر ان شاء الله "
شربنا العصير ... و أكلت بنهم صوابع بلح الشام الفظيه
اكتشفت ان حوالينا بردو ناس كبار في السن ... يمكن اكبر مني بكتير ... كلهم بيصوموا و بيفطروا لوحدهم ... في النسيان
عمري و انا صغير ما فكرت في الناس الكيره ... بيفطروا فين؟؟
في دور المسنين .... يالطيف ... ده سجن
اومال العواجيز اللي زينا بيفططروا فين ؟؟
عرفت بيفطروا فين .. قلبي وجعني اوي ... انا لوحدي .. الوحده صعبه اوي
كحه أخدت بالها اني سرحان وموش باكل ... قالتلي ::
- مالك .. ما بتاكلش ليه؟؟ .. موش كنت هتموت و تاكل و بتقول ان الصيام مبهدلك ..؟؟
قلت و انا هعيط من الحسره :: عارفه ليه انا و انتي قاعدين مع بعض حالا ؟ ... لان كل واحد فينا لوحده ...
لو كل واحد منا كان مع أهله مكناش بصينا لبعض ؟؟
ايه .؟؟ انا بلبخ ... اقصد يعني ... ان الوحيدين اللي زينا .. بينجذبوا لبعض ....
كحه :: شكلك هتخرف ... كل يا زغطه قبل ما تخاريف الصيام تزيد عليك
ضحكنا
صليت بيها المغرب جماعه .... و قرينا قرآن انا وهيا سوا ...
لاقينا اذا العشا هيقرب ... طلعنا جري علي الحسين .... نصلي العشا و الترلويح
خلصنا و اتقابلنا علي قهوه .. زي ما اتفقنا .. شربنا الشاي ... و انا ضربت الشيشه بتاعتي
قالتلي وهي بتبصلي ::: شيشه !!!
قلتلها :: لا لا ... دي موش شيشه .... دي مصاصه ... بس للكبار فقط
ضحكت ... ده طبعا قبل ما ادتني محاضره عن اضرار الشيشه و مخاطر التدخين و الكلام ده
رديت :: انا بقالي حاجه و تمانين سنه بدخن ... انا بدخن من و انا عندي 11 سنه ... بعمل كل اللي علي مزاجي .. بفرحو بضحك .. بحب الناس و بروحلهم في اماكنهم ... ... اللي بيجي في بالي اعمله بعمله .. وده اللي مطول عمري .. ربنا يديني الصحه
كحه :: وا نا بردو بفرح ... بس لوحدي .. صعب عليا اني اخرج او اروح في حته ...
انا :: مفيش جيران ؟
كحه :: ماتوا
انا :: ولا اصحاب ؟؟
كحه :: ماتوا
انا ::.. ياساتر ... ولا قرايب
كحه :: ماتوا
انا ::: يا ساتر :::
يلا بينا نتسحر ... هنتسحر فين ؟؟
هي ::: لا انا لازم اروح لعم زحلف
انا :: يلا بينا
روحنا لعم زحلف .. و اتمشينا ... وروحت و انا طاير
لو كنت اعرف ان بكره هيبقي في ..........
ـــــــــــــــــــــــــــــــــــــــــــ
نكمل الاسبوع الجاي ....
