الرئيسية
أزيكم يا أولادي؟؟
وحشتكم موش كده؟؟
...
أنا .. عمو زغطه .... عندي فوق الميت سنه , والحمد لله ربنا ادالي الصحه و رصيد في البنك ... ما أتجوزتش خالص ..ولما فكرت شويه أنا ليه ما أتجوزتش , اكتشفت أن السبب هو ببساطه إني ... نسيت !!
عايش لوحدي بعد موت أبويا شرقه . و أمي كرشه نفس , و أخويا الكيبر عطسه
لوحدي أه ,بس أنا عايش مع الناس , بحبهم و أعتقد إنهم بيحبوني
كل رمضان بيعدي عليا و أنا لوحدي , بس مابديش الفرصه لنفسي إني أحس بالوحده
ليا أصحاب كتير ..بس صاحبي الأقرب هو سامي " غريب الأسم موش كده ؟؟ "
بس للأسف سامي بشوفه قليل جداً الأيام دي , أصله مشغول في اليسا و روبي " أهم زي أولاده يعني "
رمضان السنه دي لما جه في الصيف , فكرني بقصه حبي الأول .... " كحه " ..... يـــــــــــــاه وحشتني أوي
كان أول مره أقابلها في اخر رمضان جه في الصيف .. كان من حاولي حاجه و عشرين سنه ... كنت لسه عندي شعر , و تلات سنات , و نابي الشمال كان لسه موجود
خلينا نحكي الحكايه من الأول .........
ليلة رمضان , متعود أسهر علي أي قهوه مع صحابي , او اتمشي علي الكورنيش ... و السحور بره عندي أساسي
رمضان ده , نزلت اتمشي و أنا يوميها كنت مكتئب جداً ... الوحده انتصرت عليا و نزلت و أنا الدنيا مقفله في وشي , و شايف الناس أبيض و أسود
رجلي خادتني لعربيه فول " عم زحلف " , كان الفجر قرب يأذن .... قلت اتسحر
طبعا عم زحلف لما شافني فرح بيا
عم زحلف :: حاج زغطه ؟؟؟ فينك ياعم واحشنا مابقيتش تطل علينا زي زمان ليه ؟؟
أنا :: أنت عارف الروماتيزم , و ربنا يخليلنا الدليفري , بقولك إيه ما فكرتش في موضوع الدليفري؟؟
عم زحلف :: هي حصلت ...؟؟ تشتمني و تقولي دليفري؟؟
و سابني و مشي
بس الراجل بعتلي طبق فول محترم , و بصل أخضر , و طماطم و زبادي .. و كوبايه شاي
كانت الكراسي زحمه أوي .... و بسرعه أتصاحبت علي الشباب اللي كانوا هناك
المعظم كان شباب اللي مع خطيبته أو حبيبته أو أخته .. ساعتها نقح عليا موضوع أني لازم أتجوز ..
قبل ما سني يكبر
حاولت اداري الفكره السخيفه دي , خصوصاً إننا في رمضان , بإني " أنكش " الشباب الي زي الفل ده
و أنا لوحدي ... عجوز بياكل فول علي تلات سنان و ناب ... علي ترابيزه لوحده
في الأول الزحمه كانت خنقاني .. لدرجه إني كنت باكل بسرعه عايز امشي
فجأه سمعت صوت واحده بتتكلم ... موش عارف ليه صوتها كان جاي من ورايا , رغم إنها كانت واقفه ادامي
ودي كانت أول مره اشوف فيها كحه.. لسه فاكر هي قالت ايه , زي ما يكون انهارده
كحه : أنا أسفة بس ممكن أكل معاك علي الترابيزه .. أنت شايف الدنيا زحمه أزاي
تنحت أنا , ولما فوقت كل اللي قدرت أعمله إني هزيت راسي ... بجد موش فاكر أنا هزيت راسي بــ آه ولا هزيتها بـ لأ ... بس لما لاقيتها ابتسمت و قعدت تاكل , استنتجت من سكاتي إني وافقت
نسيت الأكل , وحلفت يمين طلاق بيني و بين نفسي إني هحاول اوصفها , لأنها ببساطه ما تتوصفش !!
كل اللي فاكره إنها كانت قمر جداً . بشعرها الأبيض خالص , اللي ماحاولتش تصبغه ,
ووشها ... اللي مبتسم لوحده .. إبتنسامه جميلة شدتني ليها
تجاعيد وشها منطقيه جداً , بمعني إنها محاولتش في شبابها استخدام الورنيش المسمي بالميكب , و كانت بعيده تماما عن الرجس المسمي بالشد
كانت لابسه عبايه جميله جداً . سودا , و شايله شنطه رمادي غامقه , كبيرة الحجم بشكل لفت نظري
أنا :: هو حضرتك جايه مع مين ؟؟
كحه :: أنا ؟؟
دورت أنا يمين و شمال علي حد تالت يكون قاعد جنبنا ولا حاجه
و رجعتلها لاقيتها بتضحك
كحه : في إيه مالك ...؟؟ بهزر معاك اه يا سيدي أنا جايه لوحدي ... جوزي مات من تلاتين سنه , و أولادي الأتنين واحد في أمريكا و التانيه متجوزه في دبي , بيكلموني كل سبع شهور دقيقة
أنا : مقدر مقدر .. الدولي غالي اليومين دول
بصتلي و رفعت حاجب و ضحت أنا كمان و قلت :
أنا كمان بهزر ... خالصين
اتكلمنا كتير . و فجأه سمعنا أذان الفجر , كنا أكلنا كويس ... و اقترحت كحه إننا نصلي الفجر في الجامع اللي في الشارع اللي ورانا
صليت الفجر , هي طبعا صلت في مصلي الستات .. و أتقابلنا
اقترحت اننا نتمشي , كنا ساعتها في مصر القديمه و كانت الساعه حوالي خمسه و ربع
لما خلصنا كلام , اكتشفنا إننا في المهندسين و كانت الساعه عدت 10
اتكلمنا في كل حاجه ... حكتلي عن جوزها , و عن وحدتها , و أولادها اللي نسيوا أن ليهم أم لسه عايشه !!
و أنا حكيتلها عن مغامراتي , و سفرياتي الكتير حوالين العالم , و البلاد اللي زرتها , و أصحابي " و ما جبتش طبعاً سيرة رصيدي في البنك " و شغلي و أبويا و كل الناس
كانت خلاص تعبت من المشي , فقررنا إننا نروح , و نكلم بعض في التليفون و أخدت رقمها .... " الأرضي .. أيوه أيوه الموبايل مكنش طلع لسه , ولو كان طلع الدقيقه كانت باتنين جنيه "
روحت و أنا طاير ... حسيت إحساس غريب عمري ماحسيته في حياتي ...
كتير وصفولي الحب بأنه لما تقابل حبك , هتلاقي علاقتك بيه و أسلوب تعاملك معاها هيبقي غريب و نختلف و لن يمحوه الزمن ... " يمحوه بتتكتب كده ؟؟ "
روحت وأنا قلبي بيزغرط , قعدت افتكر كل كلمه ... و فجأه نمت و صحيت لاقيت الساعه 4
كلمتها و اتفقنا علي ..........
نكمل الحلقه الجاية
-----------
وحشتكم موش كده؟؟
...
أنا .. عمو زغطه .... عندي فوق الميت سنه , والحمد لله ربنا ادالي الصحه و رصيد في البنك ... ما أتجوزتش خالص ..ولما فكرت شويه أنا ليه ما أتجوزتش , اكتشفت أن السبب هو ببساطه إني ... نسيت !!
عايش لوحدي بعد موت أبويا شرقه . و أمي كرشه نفس , و أخويا الكيبر عطسه
لوحدي أه ,بس أنا عايش مع الناس , بحبهم و أعتقد إنهم بيحبوني
كل رمضان بيعدي عليا و أنا لوحدي , بس مابديش الفرصه لنفسي إني أحس بالوحده
ليا أصحاب كتير ..بس صاحبي الأقرب هو سامي " غريب الأسم موش كده ؟؟ "
بس للأسف سامي بشوفه قليل جداً الأيام دي , أصله مشغول في اليسا و روبي " أهم زي أولاده يعني "
رمضان السنه دي لما جه في الصيف , فكرني بقصه حبي الأول .... " كحه " ..... يـــــــــــــاه وحشتني أوي
كان أول مره أقابلها في اخر رمضان جه في الصيف .. كان من حاولي حاجه و عشرين سنه ... كنت لسه عندي شعر , و تلات سنات , و نابي الشمال كان لسه موجود
خلينا نحكي الحكايه من الأول .........
ليلة رمضان , متعود أسهر علي أي قهوه مع صحابي , او اتمشي علي الكورنيش ... و السحور بره عندي أساسي
رمضان ده , نزلت اتمشي و أنا يوميها كنت مكتئب جداً ... الوحده انتصرت عليا و نزلت و أنا الدنيا مقفله في وشي , و شايف الناس أبيض و أسود
رجلي خادتني لعربيه فول " عم زحلف " , كان الفجر قرب يأذن .... قلت اتسحر
طبعا عم زحلف لما شافني فرح بيا
عم زحلف :: حاج زغطه ؟؟؟ فينك ياعم واحشنا مابقيتش تطل علينا زي زمان ليه ؟؟
أنا :: أنت عارف الروماتيزم , و ربنا يخليلنا الدليفري , بقولك إيه ما فكرتش في موضوع الدليفري؟؟
عم زحلف :: هي حصلت ...؟؟ تشتمني و تقولي دليفري؟؟
و سابني و مشي
بس الراجل بعتلي طبق فول محترم , و بصل أخضر , و طماطم و زبادي .. و كوبايه شاي
كانت الكراسي زحمه أوي .... و بسرعه أتصاحبت علي الشباب اللي كانوا هناك
المعظم كان شباب اللي مع خطيبته أو حبيبته أو أخته .. ساعتها نقح عليا موضوع أني لازم أتجوز ..
قبل ما سني يكبر
حاولت اداري الفكره السخيفه دي , خصوصاً إننا في رمضان , بإني " أنكش " الشباب الي زي الفل ده
و أنا لوحدي ... عجوز بياكل فول علي تلات سنان و ناب ... علي ترابيزه لوحده
في الأول الزحمه كانت خنقاني .. لدرجه إني كنت باكل بسرعه عايز امشي
فجأه سمعت صوت واحده بتتكلم ... موش عارف ليه صوتها كان جاي من ورايا , رغم إنها كانت واقفه ادامي
ودي كانت أول مره اشوف فيها كحه.. لسه فاكر هي قالت ايه , زي ما يكون انهارده
كحه : أنا أسفة بس ممكن أكل معاك علي الترابيزه .. أنت شايف الدنيا زحمه أزاي
تنحت أنا , ولما فوقت كل اللي قدرت أعمله إني هزيت راسي ... بجد موش فاكر أنا هزيت راسي بــ آه ولا هزيتها بـ لأ ... بس لما لاقيتها ابتسمت و قعدت تاكل , استنتجت من سكاتي إني وافقت
نسيت الأكل , وحلفت يمين طلاق بيني و بين نفسي إني هحاول اوصفها , لأنها ببساطه ما تتوصفش !!
كل اللي فاكره إنها كانت قمر جداً . بشعرها الأبيض خالص , اللي ماحاولتش تصبغه ,
ووشها ... اللي مبتسم لوحده .. إبتنسامه جميلة شدتني ليها
تجاعيد وشها منطقيه جداً , بمعني إنها محاولتش في شبابها استخدام الورنيش المسمي بالميكب , و كانت بعيده تماما عن الرجس المسمي بالشد
كانت لابسه عبايه جميله جداً . سودا , و شايله شنطه رمادي غامقه , كبيرة الحجم بشكل لفت نظري
أنا :: هو حضرتك جايه مع مين ؟؟
كحه :: أنا ؟؟
دورت أنا يمين و شمال علي حد تالت يكون قاعد جنبنا ولا حاجه
و رجعتلها لاقيتها بتضحك
كحه : في إيه مالك ...؟؟ بهزر معاك اه يا سيدي أنا جايه لوحدي ... جوزي مات من تلاتين سنه , و أولادي الأتنين واحد في أمريكا و التانيه متجوزه في دبي , بيكلموني كل سبع شهور دقيقة
أنا : مقدر مقدر .. الدولي غالي اليومين دول
بصتلي و رفعت حاجب و ضحت أنا كمان و قلت :
أنا كمان بهزر ... خالصين
اتكلمنا كتير . و فجأه سمعنا أذان الفجر , كنا أكلنا كويس ... و اقترحت كحه إننا نصلي الفجر في الجامع اللي في الشارع اللي ورانا
صليت الفجر , هي طبعا صلت في مصلي الستات .. و أتقابلنا
اقترحت اننا نتمشي , كنا ساعتها في مصر القديمه و كانت الساعه حوالي خمسه و ربع
لما خلصنا كلام , اكتشفنا إننا في المهندسين و كانت الساعه عدت 10
اتكلمنا في كل حاجه ... حكتلي عن جوزها , و عن وحدتها , و أولادها اللي نسيوا أن ليهم أم لسه عايشه !!
و أنا حكيتلها عن مغامراتي , و سفرياتي الكتير حوالين العالم , و البلاد اللي زرتها , و أصحابي " و ما جبتش طبعاً سيرة رصيدي في البنك " و شغلي و أبويا و كل الناس
كانت خلاص تعبت من المشي , فقررنا إننا نروح , و نكلم بعض في التليفون و أخدت رقمها .... " الأرضي .. أيوه أيوه الموبايل مكنش طلع لسه , ولو كان طلع الدقيقه كانت باتنين جنيه "
روحت و أنا طاير ... حسيت إحساس غريب عمري ماحسيته في حياتي ...
كتير وصفولي الحب بأنه لما تقابل حبك , هتلاقي علاقتك بيه و أسلوب تعاملك معاها هيبقي غريب و نختلف و لن يمحوه الزمن ... " يمحوه بتتكتب كده ؟؟ "
روحت وأنا قلبي بيزغرط , قعدت افتكر كل كلمه ... و فجأه نمت و صحيت لاقيت الساعه 4
كلمتها و اتفقنا علي ..........
نكمل الحلقه الجاية
-----------
